A Deputación contrata seis operarios de limpeza para o Baixo Miño por cinco meses

. 8 de maio de 2008

A Deputación contratará 78 traballadores para impulsar un plan de conservación e limpeza dos espazos naturais da provincia no que investirá 666.000 euros destinados a financiar o custo salarial da man de obra e o pago da seguridade social.

Destes 78 traballadores, seis destinaranse ao Baixo Miño (dous peóns de limpeza de Tui, dous de Oia, un no Rosal e outro na Guarda).

Este plan permanecerá operativo durante cinco meses, do 1 de xuño ó 31 de outubro, no transcurso dos cales os operarios acondicionarán e mellorarán as zonas medio ambientais dos concellos para a súa explotación turística, así como, a reposición, limpeza, recuperación e adecuación das praias do litoral provincial.

Vía > GaliciaSuroeste